Birding Galicia
Birding.gal é unha marca da empresa Habitaq SL xestionada por Xabier Vázquez Pumariño, biólogo, ornitólogo e consultor ambiental en España e América Latina. Autor de libros e artigos sobre aves, maioritariamente sobre aves de Galicia e León. Desde hai tres décadas traballa en conservación de especies ameazadas e seguimento de fauna e flora e procesos ecosistémicos, implantación de programas de sostibilidade e avaliación de proxectos, así como guía ornitolóxico. A través de Habitaq, foi o responsable de sentar as bases do turismo ornitolóxico en Galicia para a Xunta de Galicia en diferentes etapas. O seu traballo pode ser apreciado neste link da páxina oficial de turismo da Xunta de Galicia.
É ademais un activista do movemento ambientalista e escribe regularmente en xornais e revistas acerca da conservación da natureza e outros asuntos de carácter ambiental.